MLA ten YMA Day hmanpui

Nimin khan YMA Day vawi 88-na chu hmun hrang hrangah urhsun taka hman niin MLA then-khat te chuan he hun hi Branch thenkhat ah an hmanpui a. Deputy Chief Minister Tawnluia chuan Khawhai Branch leh Khawzawl Vengthar Branch ah te YMA Day hi a hmanpui a ni.

Art & Culture Minister R. Lalzirliana chuan nimin khan Rabung ah YMA Day lawmna leh an khuaa YMA dinchampha vawi 60-na, Diamond Jubilee lawmna hun chu a hmanpui bawk a. Vanapa thlan leh a nupui fanau te thlan leh a pasal-thatpui te thlan hawnna a hmanpui nghal bawk.

Hnahthial Bazar Branch YMA ten YMA Day leh an kum 50-na, Golden Jubilee an lawmna chu Health Minister Dr. R. Lalthangliana chuan a hmanpui bawk a, Hnahthial-a District AH & Vety Office chu June 21 khian hawn a nih dawn thu leh PWD Road Division pawh hawng thuai tura ruahmanna siam a nih thu a sawi bawk.

Aizawl South-III Bialtu MLA Prof. F. Lalnun-mawia chuan Thiak leh Phulpui Branch YMA te hmanpuiin heng ah te hian zirlai tithate chawi-mawina hlan an ni.

Luangmual Branch YMA ten YMA Day an lawmna chu bialtu MLA Zothantluanga chuan khuallian nia hmanpuiin MLA Fund hmanga sak Luangmual Branch YMA, M-Section Property House chu a hawng a. MLA Fund hmang veka lei, Ambulance thar Luangmual Branch YMA a pek chu khuhhawnna leh hlanna a nei bawk.

Saipum Branch YMA ten YMA Day leh an kum 75-na (Platinum Jubilee) an lawmna chu Serlui bialtu MLA Lalrinsanga Ralte chuan hman-puiin Platinum Jubilee lungphun chu a hawng bawk.

Tuirial bialtu MLA K. Laldawngliana chuan nimin khan North Chaltlang-ah YMA Run sak thar a hawng a, Nisapui Branch YMA hnenah Oxygen cylinder leh pawisa hlanin Kawnpui Chhim Veng YMA Hall sak thar chu a hawng bawk a, Mualvum Branch YMA tenYMA Day leh an kum 15 tlin lawmna hun a hmanpui bawk.