Mizoram CIC in banna thehlut

Mizoram State Chief Information Commissioner (CIC) Lalnunmawia Chuaungo chuan Governor Dr. Hari Babu Kambhampati hnenah Chief Information Commissioner a nihna atanga banna a thehlut.

Mizoram State CIC atanga bangta Lalnunmawia Chuaungo in AIR Correspondent hnena a sawi danin niminpiah tlai khan Governor hnenah hian Chief Information Commissioner a nihna atangin banna a thehlut a, June ni 19 emaw ni 20 thleng Office kalin hemi zawh hian a chawlhsan tawh dawn niin a sawi.

Lalnunmawia Chuaungo hi kum 2019 khan Mizoram Chief Secretary atangin Voluntary Pension in a chhuak a, kum 2021 November ni 21 khan Mizoram State Chief Information Commissioner hna chelh tura lakluh leh niin kum 2 chhung he hna hi a chelh hnuah banna a thehlut leh ta a ni. Lalnunmawia Chuaungo hian tun dinhmunah Political Party zawm chungchang a la sawi thei lo tih sawiin, a banna a fel hma chu sawi theih ala nilo tih a sawi bawk a. Hetihlai hian Social Media lamah chuan tun thla tir khan Party zawm tur anga sawi a lo ni tawh a ni.