Manipur CM in Mizoram CM a rawn bia

Manipur Chief Minister Biren Singh chuan nimin khan Mizoram Chief Minister Zoramthanga chu Telephone hmanga rawn biain Manipur buaina chungchangah boruak tha an neih thuai theih nan leh remna a awm theih nan theihtawp chhuahpui turin a rawn sawm.

Hemi chungchang hi Chief Minister Zoramthanga chuan Instagram lamah tarchhuakin nimin chhun dar 12:30 khan Manipur Chief Minister hian Telephone hmanga a rawn biak thu leh Manipur buaina chungchangah boruak tha an neih thuai theih nan leh remna a awm theih nan theihtawp chhuahpui tura a rawn sawm thu a tarlan bakah Mizoram-a Meitei awm mekte him taka an awm theihna tura theihtawp chhuahpui turin a rawn ngen nghal bawk tih a tarlang a ni.

Chief Minister Zoramthanga chuan Mizoram Sawrkar chuan Manipur a buaina thleng mek chu pawi a tih thu leh buaina a reh theihna tur pawhin theihtawp a chhuah reng thu sawiin, Manipur Sawrkar leh Central Sawrkar hmalakna te thlir reng chungin, buaina a reh theihna tur leh remna a awm theihna tura hmalakna awmte chu an thlawp reng thu a lo hrilh tih a tarlang a. Hei bakah hian Mizoram chu a ralmuang a, Sawrkar leh NGO te pawhin Manipur-ah remna leh muanna a awm theih nan leh Mizorama awm Meitei te him nan theihtawp an chhuah mek reng tih pawh sawiin, “Mizoram chhunga awm Meitei te tan Mizoram-ah hlauhthawn tur engmah a awm lo a. Him taka an awm theihna tura hmalak mekna pawh chhunzawm zel a ni ang tih thu ka lo hrilh bawk a ni,” a ti.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man