Lirthei chesual-ah raltlan thi

/

Manipur atanga sahimna zawnga Mizorama rawn tlanchhia te chuanna Motor chu nizan hmasa dar 10:00 vel khan Saichal atangsa Saitual thlen hma km 10 velah chesualin kawngthlang ah a tlanliam a, he Motor-a chuang mi 2- Haoseikipgen (57) leh Lamneihkhol (23), Lamka Churachandpur te chu a hmunah hian a boral a, midang 3 (naupang 2 leh nausen pakhat) te chuan hliam an tuar bawk a ni. 

Hetihlai hian Manipur State atanga Kolasib District Saiphai-a raltlan rawn lut Lalthalien (12) chu Pneumonia vangin a boral a, a ruang hi an khua Savawmphai, Manipur-ah lak niin Saiphai Relief Camp-a cheng mek Samuel Lalsiemsang (T-1) pawh nimin zing khan Khawsik vangin a boral bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »