Vawk khuahkhirh leh a ni

Tunhnaiah Serchhip khawchhungah Vawk damlo engemaw zat an awm avangin Vawk lakluh leh thawnchhuah khuahkhirhna siam a ni.

Hemi chungchangah hian tun thla ni 12 khan Serchhip District Magistrate HD. Lalpekmawia chuan Sec. 144 of Cr.PC 1973 tlawhchhana thupek tichhuakin Champhai District hmun thenkhatah Vawk natna African Swine Fever (ASF) a len mek avang leh Serchhip khaw chhungah ran natna Porcine Reproductive & Respiratory Syndrome (PRRS) nia rinhlelh Vawk damlo a awm mek avangin Serchhip District chhungah ram dang (foreign countries) atanga Vawk, Vawksa leh Vawksa atanga siam eitur reng reng lakluh khap tlat a nih thu leh ASF hri lenna hmun (Champhai District) atangin Vawk, Vawksa leh Vawksa atanga siam eitur reng reng lakluh khap tlat a nih thu te a tarlang a ni.

Heng bakah hian State pawn atanga Vawk lalut turte chuan Agricultural and Processed Food Product Export Development Authority (APEDA) approved firm atang chauhin an lakluh theih thu leh a lalut tur ten Director, AH&Vety Department hnen atangin phalna lak hmasak ngei tur a nih thu te; Serchhip Town Area atangin Vawk, Vawksa leh Vawksa atanga siam eitur reng reng thawnchhuah khap tlat a nih thu leh Vawk hrisel tha chauh talh tur a nih thu te pawh a tarlang bawk a ni.

Comments

Popular News (Last 30 Days)

LPG man bithliah thar