MPCC Treasurer banna pawm a ni - Lalsawta

Mizoram Pradesh Congress Committee (MPCC) Treasurer atanga Zodintluanga banna chu a pawm thu MPCC President Lalsawta’n a sawi.

MPCC President Lalsawta hian nimin khan Aizawl-a Congress Bhavan-ah thuthar thehdarhtute kawmin MPCC President chuan hna thilah a zin avangin April ni 21-a Zodintluanga bânna a thehluh hi a hmu thuai thei lo tih a sawi a, Treasurer hian bânna a thehluh thut avângin Party chhungah chi-aina nasa tak a siam tih sawiin, pawi a tih thu leh hmun tina an Party mipui te chu lo ngaithiam hrâm hrâm tûrin an ngên a, MPCC Treasurer thar tur chu Party hotuten an ruat vat tur thu a sawi bawk.

MPCC President Lalsawta chuan Zodin-tluanga nen rilru inpawh tak leh uluk taka an sawidun hnuah an Party that leh chak zâwk nân thuthlukna chu an siam tih sawiin, amah chu ui tak chungin a Treasurer nihna chu ama rawt leh duh angina an pawm tih a sawi a ni. Party-a thawhhona ah ngaihdân inan loh chang awmin lungrual thap theih loh chang awm thin mah se, dawhthei taka inhriatthiam tlan zel a ngai thin tih Lalsawta chuan a sawi a, Zodintluanga nen an inkarah pawh mimala inhuatna engmah an nei lo tih sawiin, CLP Leader Zodintluanga Rate chu MPCC Treasurer ni tawh lo mahse Party thatna tûr chuan theihtawp chhuah chhunzawm zel dawn tih a sawi bawk.