Zirna In khar tumna awm lo

Mizoram sawrkar a School Education Department hotute chuan tun dinhmunah khawlum avanga zirna In khar tumna a la awm lo tih an sawi a, School tin te erawh khawlum a naupang te enkawl dan tur (instruction) pek vek an tum.

Education Depatment Director Lalsangliana chuan, State thenkhat in khawlum vanga zirna In an khar tih an hriatin Department lamin an ngaihven thu leh MIRSAC-a Scientific Officer te bepawpin, anni lamin warning an la dawn loh thu te, mihring tana tawrh zawh loh leh hlauh-awm tur ala awm rih lo an ti thu te sawiin, mithiam te ngaihdan an lak atangin tun dinhmunah chuan zirna In khar tumna a la awm lo tih a sawi a. Hetih rual hian Outdoor Games nei lo turte, naupang te pawhClassroom a awm tir tur te, tui in tam tir turte leh taksa inveng tura hriattirna (instruction) School tin te pek tum an ni tih a sawi a ni.

Hetihlai hian Lai Autonomous District Council (LADC)-a Education & Human Resource Department (P/S) chuan tunlai khawlum leh ni sa lutuk chu naupangte hriselna leh himna atan hlauhawm thama a hriat avangin zirlai nau-pangte leh vantlang mipuite tana that zawkna turin LADC hnuaia Primary School zawng zawngte chu April 18, 2023 atanga thu leh awm hma chu School timing atan zing dar 6:00 atanga zing dar 9:00 ruat a nih thu an puang a. Mid-Day Meal chu dan pangngaia kalpui chhunzawm tur a nih thu an tarlang bawk.