Vote chhiar dan tur zirho

Lunglei Municipal Council (LMC) Election 2023-a Vote tla te karleh Thawhtanni a chhiar tur atan nimin khan Counting Supervisor, Counting Assistant leh Additional Counting Assistant te tan Convention Centre Hall, Lunglei-ah training neih a ni a. He inthlanna a Vote tla te hi April 3, 2023 zing dar 10:00 atangin chhiar a ni dawn a, Vote chhiarna atan hian Saikuti Hall Ground Floor-ah Counting Hall pahnih siam niin Counting Table 12 ve ve dah a ni a, Vote chhiar ni hian Postal Ballot chhiar hmasak a ni anga, chumi hnu ah EVM chhiar tur a ni. LMC Election a vote chhiar tur training te hi Counting Supervisor 30, Counting Assistant 60 leh Additional Counting Assistant 30 te an ni.