US Consul General leh Chief Secretary inkawm

/

US Consul General Melinda Pavek-i leh Chief Secretary, Dr. Renu Sharma te chu niminpiah tlai khan Chief Secretary Office Chamber-ah inkawmin thawhhona tur kawng hrang hrangte an sawidun.

He inkawmna ah hian Chief Secretary chuan Mizoram in hmasawnna kawng a zawh mek dan leh sawrkar hmalakna hrang hrangte Melinda Pavek-i chu a hrilh a. Mizoram sawrkar leh US thawhdun theihna tur tam tak zingah inkalpawhna, eitur sawngbawlna, Mau sawngbawlna, Zin vahna lam, Hriselna, sumdawnna, thil thar hmuhchhuah leh mahni ke a din theihna lam ah te anih thu a hrilh a, heng kawngah hian thawhhona tha a awm chuan Mizoram in chak zawkin hmasawnna a neih theih tur thu a lo hrilh a ni.

US General Consulate Melinda Pavek-i chuan India leh US inkarah inlaichinna tha tak a awm thu sawiin, hei hian Mizoram tan pawh rah tha a chhuah ngei a beisei tih a tarlang a. Chief Secretary thu hrilh te pawh ngaih pawimawh anih tur thu a sawi a. Ram pahnih te inkarah thawhhona tha zawk a awm theih nan kawng tam tak zingah a ngaih pawimawh zual, mipui leh mipui inkarah inpawhna tha zawk, Zirlai leh sumdawngte visa pekchhuah kawngah te, Cyber Security, Solid Waste Management, Industry leh hriselna lam anih thu a sawi a, chak zawka hmalakna a awm theih nan thawhpui turin Mizoram sawrkar chu a sawm bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »