Tuitla chhanchhuah dan zir

Nimin khan Mamit District Disaster Management Authority, 1st Bn. NDRF leh BDO Zawl-nuam te tangkawp buatsaihin Langkaih lui Area a YMA leh thalai tlawmngaite tan tui tla chhanchhuah leh tui tla zawnga chetchhuah dan inzirtirna neih a ni a. He inzirtirna hi BDO Conference Hall leh Zawlnuam Bawrai lui-ah neih niin Langkaih lui kama khaw hrang hrang 8 aiawh thalai tuithiam mi 30 vel te an tel a, 1st Bn. NDRF te hian Tui tla chhan dan leh lawng hman dan te, lawng hmanga tuitla chhanchhuah dan leh chet dan turah zirtirna an pe a ni.