PC Party in Hlawh pe thuai turin sawrkar an phut

PC Party President Vanlalruata chuan sawrkar hnathawk te hlawh pe thuai tura an phut thu nimin khan a sawi.

    PC Party hian nimin khan OB Meeting neiin kumin kum tawpa MLA inthlanpui lo awm tur an thlirho a, he hunah hian an President Vanlalruata chuan sawkar hnathawkte hlawh pe mumal thei lo MNF sawrkar demawm a tih thu leh sum enkawl thiam lo Finance changtu Chief Minister Zoramthanga thlâk vat tul a tih thu a sawi a. “Mipui mimir te innghahna tlanglâwn ber sawrkar hnathawkte hlawh, sum lêng vel a khaihlak thin avangin chhungkua, khawtlang leh Kohhran thlengin a nghawng pawi thin a. A bîk takin Centrally Sponsored Scheme hnuaia thawk, hun rei tak hlawh la thei tawh lo te leh tun thlenga sawrkar hnathawk nawlpui hlawh hrek sak zawng zawngte a rang thei ang bera an hlawh pe turin PC Party chuan Mizoram sawrkar kan ngen a ni,” an ti.