MIFCO chu MIFPA tia thlak fel a ni ta

Mizoram Food Processing Industries Corporation Ltd (MIFCO) chu Mizoram Food Processing Agency (MIFPA) tia thlak a ni.

Nimin khan Mizoram Food Processing Industries Corporation Ltd. (MIFCO) Board of Directors Meeting vawi 91-na chu an Chairman leh Commerce & Industries Minister Dr. R. Lalthangliana hovin a Pisa-ah neih a ni a, he hunah hian an hmalakna te an thlirho bakah thil pawimawh hrang hrang an ngaihtuah a, chung zingah chuan Mizoram sawrkar-in Mizoram Food Processing Industries Corporation Ltd. (MIFCO) chu Mizoram Food Processing Agency (MIFPA) atan a siam fel chungchang pawh a tel a. Mizoram sawrkar chuan MIFCO hi Food Processing lama hlawkna nei tura a din nimahse, tunlai khawvelah mimal, pawl leh Society tam takin Food Processing-ah hma an lak mek avangin, heng mimal leh pawl/Society hmala mekte tanpuitu leh kawng hrang hranga an hmalakna tanpuitu atanttha zawk a ringin Agency ah a siam thar a ni.

Agency nih dan tur kawng hrang hrang tihpuitlin a nih tak avangin Sawrkar kum thar ( i.e. 1st April, 2023) atangin MIFCO chuan MIFPA tih hming pu-in hna a thawk tan tawh dawn a. Hetiang a nih chuan Food Processing lama hmalatute tan MIFPA chu tangkai tak leh an kawng kawhhmuhtu atan hman a ni dawn ta a ni.