Volleyball-ah Semi Final khel

/

Mizoram Volleyball Association Inter District Volleyball Tournament khelh mekah nizan khan Serchhip District chuan Semi Final khelin result erawh kan hre hman ta lo thung.
 Champhai Kahrawt Field-a Mizoram Volleyball Association Inter District Volleyball Tournament khelh mekah Serchhip District hian nimin khan Quarter Final Match khelin Kolasib District chu 3-2 in an hneh hram a, Kolasib District hian 23-25 in Set khatna la hmasa in Serchhip District in 25-20 in Set hnihna an la ve leh a. Kolasib District in 23-25 in Set thumna an lak hnuah 25-23 in Serchhip District in Set 4-na an la ve leh a, Deciding Set khelh zui niin Serchhip District hi 16-14 in a vannei zawkah an tang ta a ni.

Nizan khan Serchhip District hian Semi Final Match khel lehin Group Stage-a an hneh loh Khawzawl District chu an hmachhawn leh a, he thu buatsaih lai hian Semi Final hmasa zawk chu Lunglei leh Champhai District ten an khel mek a, Vawiin ah Final khelh a ni ang.

Comments

Post a Comment

Popular News (Last 30 Days)

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »

END leh SADS in Heroin man

/
Image
Serchhip-a Excise & Narcotics Department leh Serchhip Sub-Hqrs. YMA Anti-Drug Squad te chuan nimin zing dar 9:30 vel khan Chhiahtlang dai, Lamchhip kawng (Darzika Road) peng-ah Heroin nia hriat Hawng 10 an man a, heng ruih-hlo an man hi gram 119.46-a rit niin a neitu nia hriat Lalchhanhimi (47), Chhiahtlang Hmar Veng nia insawi pawh manin thubuai siam sak nghal a ni. Heng damdawi te hi chawhmeh (thlai rah) karah thuhruk a ni.
Kimchang zawkin »