LMC-ah Vote tla chhiar dawn

Lunglei Municipal Council (LMC) din a nih hnua inthlanpui hmasa ber a Vote tla te chu Vawiin hian chhiar a ni dawn ta a, ruahman lawk ang chuan he inthlanna a Vote tla te hi tukin dar 10:00 hian Lunglei Saikuti Hall-a Counting Hall siamah chhiar a ni ang. Vote tla chhiarna atan hian Counting Hall pahnih siam niin Counting Hall pahnih ah hian dawhkan 12 ve ve dah a ni a, Counting Hall-I ah Ward No. I atanga V a vote tla te chhiarin, Counting Hall-II ah Ward VI atanga XI-a Vote tla te chhiar a ni thung ang. Tarlan tawh angin inthlanna hi Ward 11-ah neih niin Polling Station 44 a awm a, Vote thlakna atan hian EVM hman a ni a, EVM-a Vote tla te chhiar a nih hmain Postal Ballot te chhiar a ni anga, chhunlai velah chuan result tlangpui hriat theih beisei a ni.