Infiammi te Incentive Cash Award hlan an ni

Mizoram atanga infiammi hlawhtling te hnenah Sports & Youth Services Department chuan nizan hmasa khan 'Incentive Cash Award 2020-2021' semna an buatsaih a, Sports Minister Robert Romawia Royte chuan khuallian niin a hmanpui a ni.

Aizawl Vanapa Hall-a he hun hmanna ah hian Sports Minister chuan COVID-19 hri leng avanga punkhawm a harsat thu leh Incentive Cash Award pawh duh anga hmaah sem a harsat thu a sawi a. Tun tuma Incentive Cash Award sem chu Medal-la nazawng te dawn theih a ni lo tih sawiin, Incentive Cash Award Scheme hnuaia thlanchhuah te chauh in an dawn theih thu a sawi a. Mizoram sawrkarin infiammite hamthatna tur kawng hrang hrang a ngaihtuah thu sawiin, Incentive Cash Award Rules 2001 chu siamthain kum 2022 khan Incentive Cash Award Scheme tih a lo nih tak thu leh he Scheme thar hnuaiah hian infiamiten Medal an lak dan a zir leh a enkawltu leh inelna neihna hmuna hruaitu Official-te sum leh pai pek dan tur felfai taka duanchhuah a lo nih tak thu te a sawi bawk.

Sports Minister Robert Romawia Royte chuan infiamna chu hriselna atan a thil tangkai tak anih thu pawh sawiin, mipui tam zawkin hriselna tha an neih theih nan infiamna engemaw tal ti thin turin Mizo mipui te a chah a. Ram hmasawnna turin hnathawh a ngai a, hnathawk turin hrisel a ngai bawk a, hlim tak leh phur taka hnathawk thei turin infiamna pawh mipuiten uar thar a ngai a ni, a ti bawk.

Incentive Cash Award 2020-2021 hi infiamna discipline hrang hrang 11 heng- Taekwondo, Muaythai, Shooting, Arm Wrestling, Table Tennis, Boxing, Motor Sport, Sepaktakrow, Kick Boxing, Weightlifting leh Football-a Medal late infiammi 109 leh Official mi 14 , an vaiin mi123-te hnenah sem a ni a. Heng discipline a Medal lak zat hi 199 a ni a, tun tuma Incentive Cash Award sem zat hi a vaiin Rs. 44,88,150 niin kum 2020-2021 chhunga Medal dawngtute hnenah Rs. 22,88,150 leh kum 2022-a buatsaih Khelo India Youth Games 2021-a tel Medal dawngtute hnenah Rs. 22,00,000 pek a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar