Councillor tharte lawmpui

Lunglei Municipal Council (LMC)-a Councillor tharte lawmpuina leh inhmelhriatna hun chu nimin khan Lunglei HPC Vice Chairman Lawmawma Tochhawng kaihhruaiin Lunglei-a HPC Conference Hall-ah neih a ni a, he hunah hian Lunglei DC leh SP bakah Official dangte leh LMC Councillor, Lunglei Sub-Hqrs. YMA hruaitu tharte leh Media te an tel a. HPC Vice Chairman chuan LMC Councillor tharte chu a lawmpui takzet thu sawiin, Lunglei ti hmasawn tura hmathlir tha tak tak an neihte an tih hlawh-tlin ngei theihnan theihtawp chhuah tura chahin, mipui tana kan hnathawhna leh rawngbawlna hi Pathian rawngbawlna pawimawh tak a ni tih kan hriat nawn leh fo a tha tih a sawi bawk. He hunah hian Lunglei DC Ramdinliani IAS leh Lunglei SP Rahul Alwal IPS bakah Lunglei Municipal-a Councillor-te leh midang ten thu sawiin, hmalak tlan zel dan turte sawiho a ni.