Latest News

Chief Minister in FMGE&W Conference a hmanpui

Mizoram sawrkar hnathawktu intelkawmna pawl lian ber Federation of Mizoram Government Employees & Workers (FMGE&W) chuan nimin khan General Conference vawi 32-na hmangin Chief Minister Zoramthanga chuan khuallian niin a hmanpui a ni.

   Aizawl Vanapa Hall a FMGE&W General Conference-ah hian Chief Minister chuan sawrkarna fawng vuantu thlantlin te chu inthlak fo an nih avangin ram tan hmalakna tur hrang hrang tha tak tak ruahman thin mah se a hlawhtlinna tluantling chu sawrkar hnathawk nghet te chungah thui tak a innghat tih a sawi a bawk. FMGE&W hian an thurel zingah Earness Allowance chu Central Sawrkar hnathawkte rate ang leh an lak rualin Mizoram Sawrkar-in pe ve tur te, a hun taka hlawh an lak theih nana hmalak te, Sawrkar department hrang hranga post ruak te chu rualkhai taka hnawhkhah leh Sawrkar hnathawk Medical Reimbursement Bill chu tun aia awlsam zawk leh a theih anga an senso ang phuhruk zawk turin Sawrkar nawr ni rawh se tih te an pass a. Hlawh lak dan kalphung thar IFMIS chu duhthusama hman theiha peihfel a nih hma chu a hma anga hlawh lak chhunzawm leh New Pension Scheme tibova, Sawrkar hnathawk zawng zawng tan Old Pension Scheme hman an duh thu te an sawi bawk.

Comments

Popular News (Last 30 Days)