Centre sakna tur hmun tlawh

Tun thla ni 1-a Union Home Minister Amit Shah-a’n Laldenga Cultural Centre sakna tur lungphum a phum hnuah nimin zing khan Chief Minister Zoramthanga hovin PWD, Planning & Programme Implementation Department, Home Department leh department dang hotute chuan a sakna tur hmunhma enfiahin Lammual an tlawh a. He building hi Smart City Project hnuaia sak tur niin Project Cost chu cheng vbc. 193 a ni. Chief Minister hian Laldenga Cultural Centre tur hmunhma chipchiar taka a enfiah bakah 2nd Assam Rifles Bn. Commandant Colonel Rajesh Kumar Nayak nen an inkawm bawk a. Primary leh Middle School insawnchhuahna tur pawh Zokhawsang-ah sak thuai turin ruahman a ni.