Aadhaar card update ngai

Lunglei District Bawrhsap leh District Disaster Management Authority-a Chairman Ramdinliani chuan thuchhuah siamin, India sawrkar hnuaia Unique Identification Authority of India (UIDAI) chuan Aadhaar card nei tawhte tan document siamthat runpui a kalpui mek tih a tarlang a. Aadhaar card nei tawh zawng zawngte chuan anmahni ngei tih chianna document (proof of identity) leh an chenna tichiang thei document (proof of address) te Aadhaar document-a upload that vek tur a ni tih tarlangin, June 14, 2023 thleng myaadhaar.uidai.gov.in/ ah mahni in sum sen ngai lova tih theih a nih thu leh Aadhaar Enrolment Centre-ah te Rs. 50/- chawiin tih theih a nih thu a tarlang bawk.