Serchhip District-ah Kuhva rah tawlh man leh

/

Serchhip District Police te chuan ni 2 chhungin Serchhip District-ah Dan lova Kuhva tawlh nia hriat Motor pali atangin an man.
 Serchhip Sai-liamkawn Police Check Post-a Duty te chuan Pathianni zan khan Zokhawthar atanga rawn phurh nia hriat Kuhva rah chu an lo man a, heng Kuhva rah te hi New Champhai-a cheng nia insawi Hose Zirthantluanga (25) khalh Truck (Mz-04-2486) atangin bag 95 leh New Champhai-a cheng nia insawi bawk Lalnuntluanga (28) khalh Truck (Mz-04A-3753) atangin bag 95 bawk te a ni a, a vaiin kg. 6650 vela rit niin Kuhva rah hi Zokhawthar atanga Aizawl panpui tur a nih thu Driver te hian an sawi a ni.


Hemi hnu nimin chawhma dar 10:00 vel khan East Lungdar Police Beat Post-a Duty te chuan dan lova Kuhva rah tawlh nia hriat bag 97 an man leh a, heng te hi Leisenzo khua nia insawi Mungngaihliana (30) khalh Truck (mz-04A-4543) atangin bag 45 leh Leisenzo khua bawk nia insawi H. Lianmanga (35) khalh Truck (Mz-04A-5047) atangin bag 52 te a ni a. Heng Kuhva rah te hi Zokhawthar atanga rawn phurh a nih thu lirthei khalhtute hian sawiin, Aizawl a dah tur niin an sawi bawk. Heng kuhva rah an man te hi dan anga hmalak zui turin Superintendent, Custom Preventive Force, Lunglei-ah hlan tura ruahman a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »