SCDTTA in kum 2023-2025 hruaitu thlanna an nei

/

Serchhip District Table Tennis Association (SCDTTA) chuan Inrinni khan kum 2023-2025 chhunga an hruaitu tur thlanna an nei.
    New Serchhip VC Hall-a SCDTTA hruaitu thlanna neih hi MJA Serchhip District kaihhruaina-a neih niin President-ah Vanlalchanchinthahril-mawia (New Serchhip); Vice President-ah T. Hrangsiama (Chanmari Veng); Secretary-ah Laltlankima (New Serchhip) Asst. Secretary-ah R. Lalzuiliana (New Serchhip); Treasurer-ah C. Lalnghakliana (Khawtetlang) leh Fin. Secretary-ah Lalremruata (New Serchhip) te an ni.

    He hunah hian kum 2021-2023 chhunga an hmalakna leh an hlawhtlinna hrang hrangte tarlan niin hemi hun chhung hian State pum huap intihsiakna hrang hrangah SCDTTA hian Gold Medal 16 lain Silver Medal 10 leh Bronze Medal 29 an la bawk a. Tournament tum 4 buatsaih bawkin tum hnih Coaching an buatsaih a. Hei bakah hian kum 2021-a World Table Tennis Day-ah SCDTTA hian District Association tha ber lawmman dawngin kum 2022-ah R. Lalzuiliana chuan Trainers tha ber chawimawina a dawng bawk a ni. SCDTTA hnuaiah hian Affiliated Club 10 a awm mek a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »