Sawiselna dawn awm lo

MIZOFED Serchhip Branch-a thawktute chuan Serchhip khawpui Veng thenkhat a LPG Home Delivery kalpui mekah mipuite atanga sawiselna dawn an neih loh thu an sawi.

Nikum December thla atang khan Serchhip khawpui chhunga Veng 4-ah LPG Home Delivery hi kalpui leh niin hemi hmalama lo kalpui tawhna nen Veng 5-ah Home Delivery hi kalpui a ni tawh a, hemi chungchanga zawhna chhangin MIZOFED Serchhip Branch-a thawktute chuan Home Delivery kalpui avang hian harsatna an tawh phah loh thu sawiin, mipuite atang pawhin harsatna thu dawn an neih loh thu an sawi a ni.

LPG Home Delivery kalpuina Veng ah te hian a tirah YMA ten Consumers enfel hna hi thawkin hemi hnu hian an kalpui zui dan erawh a inang lo thung a, heng Home Delivery kalpuina Veng thenkhat a mi te pawhin sum sen belh awm mah se Home Delivery kalpui chu tha zawka an hriat thu an sawi a ni.