Sanitary Pads sem leh dawn

MHIP Sub-Hqrs. Serchhip chuan State Bank of India (SBI) atangin Corporate Social Responsibility (CSR) hnuaiah Sanitary Pads 500 dawngin heng te hi an hnuaia Branch 20 te hnenah semchhuah leh tur a ni ang.
State Bank of India, Regional Business Office chuan International Women's Day pualin tunkar Thawhtanni khan MHIP Sub-Hqrs. Serchhip hnenah hman nawn theih Sanitary pad 500 hi hlanin heng te hi MHIP Sub-Hqrs. Serchhip aiawhin an President Lianthangi leh Secretary Angeli Marhmingliani te chuan SBI Regional Manager RK. Ravi hnen atangin an dawng a, heng te hi an hnuaia MHIP Branch 20 te hnenah an sem leh dawn thu an sawi a ni.

MHIP Sub-Hqrs. Serchhip-a Secretary Angeli Marhmingliani te chuan Sanitary Pads semna atan hian thingtlang khaw thlan bik an neih thu sawiin, Piler, Chekawn, Mualcheng, Sialsir, Lungkawlh, Lungchhuan, Hmunzawl, Sailulak, Bawktlang, Leng, Thinglian, Hmawng-kawn, Sialhau, Khawbel, Hualtu, Lungpho, Hmuntha, Vanchengte, Ngentiang leh Hriang-tlang-ah te an sem leh dawn thu a sawi a. He thilpek an dawn theihna tura hma lak saktu Serchhip leh Saitual bialtu Lead District Manager Robert Zosangliana chungah an lawm hle tih a sawi bawk.