Ramri hnaih a inthahna YLA in pawi an ti

Lawngtlai District-a tlawmngai pawl lian ber Central Young Lai Association (CYLA) chuan tunhnaia Myanmar ram chhunga Siaha mi 2 leh South Lungpher mi pakhat thihna chu pawi an tih thu an sawi.

CYLA hian thuchhuah siamin, tun thla ni 22-a India leh Myanmar ramri a misual kut tuara boral - South Lungpher YLA member B. Lalthafamkima leh New Siahaa khawsa Biaksuii leh Bablu-a te thihna chu pawi an tih thu leh mitthi chhungte zawng zawng an tuarpui thu an sawi a. He tualthahna rapthlak taka inhnamhnawih zawng zawngte an dem thu leh Mizoram leilung fa ngei te’n hetianga thil duhawm lo ber an tawk chu an rilru a nain tun hnuah chuan thleng tawh lo se an duh thu an sawi a. Myanmar buaina avanga sahimna beiseia anmahni rawn beltu unaute chhawmdawl hna theihtawp chhuaha an thawh laia hetiang anga thungrulh an ni chu an hrethiam lo takzet tih an sawi bawk.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result