Pump Operator Training zofel

Project Management Unit (PMU) Mizoram leh PHE Department, Serchhip WATSAN Division te buatsaiha tunkar Thawhtanni atanga neih Pump Operator Training chu nimin khan zawhfel a ni.
Jal Jeevan Mission (JJM) hnuaia neih he Training hi tunkar Thawhtanni khan Tuikum-a PHE Pump House-ah neih tan niin Serchhip District chhunga thingtlang khaw hrang hrang atangin mi 14 an tel a, Tui Pump dan leh Pump khawl enkawl dan te a thu-a zirtir an nih bakah Zan lamah Group hrang hrangah insiam in Vertical Turbine Pump, Filter House leh Pump House-ah te duty tir an ni bawk.


Hemi hnu tunkar Nilaini atang khan Buangpui khua-a Solar Pump-ah Training hi neih chhunzawm leh niin hetah hiah Solar Pump in hna athawh dan leh a enkawl dan te zirtir leh an ni bawk a. Nimin khan a kharna hun chu PHE Serchhip WATSAN Division-a EE, Er. Isaac Lalchhuanmawia hova neih leh a ni a, Training chhuak te hnenah hian Certificate bakah Multi-Bit Ratchet Screwdriver (Black & Decker) hlan an ni bawk. He Training neih chhung hian Er. Samuel LR Ralte, Sr. SDO bakah Biakzamvela Sailo, Sectional Officer, Albert Lalrinthanga, Sectional Officer leh Samuel Lallawmzuala, District Coordinator ten zirtirna an pe a ni.

Comments

Popular News (Last 30 Days)

LPG man bithliah thar