Phawngpui Expedition-a kal te lo hmuah an ni

Assam Rifles ten Phawngpui Expedition an buatsaih-a tel Mizoram Outdoor Youth Adventure Club-a thalai mi 30 kalte chu nimin khan Serchhip-a 42nd Bn. Assam Rifles ten an Battalion Hqrs. ah lo dawngsawngin inkawmna an nei.

He inkawmna hi 2 IC Lt. Col. JS. Sodhi chuan kaihruaiin tluang taka Expedition neih a ni te, chetsualna thleng lo leh inhliam palh awm lova an tlingtla thei ta chu lawmawm a tih thu a sawi a. Mizoram chuan hmun tlawh tur tha tak tak a neih thu leh heng te hi khualzin (Tourist) hipna tha tak anih thu leh Mizoram chu Tourism lamah potential nei tha tak nia hriat thu a sawi a. Heng hmunhma tha tak tak te hi a tichhe zawnga kutthlak lo tur leh humhalh tlat turin kalkhawmtr a sawm a. Phawngpui Expedition a kal Mizoram Outdoor Youth Adventure Club ten Phawngpui tlang leh a chhehvel tifai a hun an hmang chu lawmawm a tih thu a sawi bawk.


He hun hmanpuitu Serchhip SP Stephen Lalrinawma chuan thalai ten taksa hriselna ngai pawimawha Adventure lama tuina an neite, Phawngpui Expedition a kal thei thalai engemaw zat an awmte chu lawmawm a tih thu a sawi a, Assam Rifles ten Mizo thalaite tana hetiang hun tha, Adventure lama tuimi te tan a an buatsaih pawh lawmawm a ti thu sawiin, hun lo la kal zel turah chhunzawm zel ni thei se a duh tih a sawi. Serchhip SP chuan tun hmalamah hriselna leh taksa sawizawi chu Mizoten kan ngai pawi-mawh tawk thin lo tih pawh sawiin, thalai ten taksa hriselna leh insawizawi an ngai pawimawh ta chu lawmawm a tih thu a sawi bawk.

Phawngpui Expedition hi tun thla ni 10 khan Aizawl atanga tan niin Vawiin hian Raj Bhavan-ah Governor hovin a kharna neih a ni ang.

Comments

Popular News (Last 30 Days)

LPG man bithliah thar