Latest News

National Highway-a puan thar pahnih awm

Mizoram-ah National Highway atana puan thar kawngpui pahnih a awm.

Parliament Budget Session neih mekah Mizoram Rajya Sabha MP K. Vanlalvena zawhna ziaka a chhanna ah Ministry of Road Transport and Higways Minister Nitin Jairam Gadkar chuan Mizoram-ah National Higway puan thar pahnih a awm thu hi a sawi a. Chungte chu Assam rama Jorbat atanga intan Aizawl paltlanga Champhai District Zokhawthar-a tawp ta NH-6 leh chumi peng pakhat Bairabi to Mamit te; National Highway-502(A) Lawngtlai to Paletwa kawngpui atanga pêng Zorinpui-Hmawngbu-Lawngmasu te chu National Highway atana puan thar a nih thu a sawi a. Bairabi to Mamit Double Lane laih a nih dawn leh dawn loh zawhna chhangin Mizoram PWD ten DPR an siam mek thu leh DPR zawh a nih hunah hna thawh tan a nih tur thu a tarlang bawk.

Union Minister of Health and Family Welfare Dr. Bharati Pravin Pawar pawhin Zoram Medical College (ZMC) chungchanga zawhna chhangin tun dinhmunah ZMC chu All India Institute of Medical Science (AIIMS)-a let tura hmalakna a awm rihlo tih a rarlang bawk.

Comments

Popular News (Last 30 Days)