Mizoram-ah Dengue in ziaawm lam a pan zel

Mizoram-a Dengue hri leng chuan kumin ah ziaawm lam panin January leh February thla chhung khan hri kai 110 hmuhchhuah a ni.

State Vector Borne Disease Control Program (SVBDCP) hotute sawi danin kumin January thla khan Dengue hri kai mi 77 leh February thla-ah mi 33 awmin kuminah he hri kai zingah nunna chan an awm lo a. Dengue hi nikum lam nasa taka hluarin, nikum kha Mizorama Dengue hri kai awm tam ber kum a la ni a, mi 1,903 in an kai a, mi 5-in nunna an chan phah bawk a. Nikum October thla khan Dengue avangin mi 3 an thi a, November thla khan mi 2 an thi bawk a, Dengue vanga nunna chante hi Aizawl District ami vek an ni. Nikum October thla kha Dengue hri kai hmuhchhuah tam ber thla niin mi 565-in he hri hi an kai tih hmuhchhuah a ni a. November thla khan Dengue vei mi 108 hmuchhuakin December thlaah khan mi 393 hmuhchhuah a ni.

Nikum khan October thla hmalam zawngah kha chuan Dengue leng kha a hlauhawm lo chi Classical Dengue Fever (CDF) a ni deuh ber a, October thla atang khan a hlauhawm chi zawk, Dengue Hemorragic Fever (DHF) a leng tan ta a, hei hi thihpui an awm ta a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar