Mi pawisa lachhuaktu man

Lunglei Police te chuan ATM Card hmanga mi pawisa laksaktu nia hriat T. Lalremruata (33), Lunglei Bazar Veng chu tunhnai khan an man. Police te sawi danin Feb. 18 khan mi pakhat chuan ATM a khawih thiam meuh loh avangin Lunglei Bazar Veng-a ATM Booth ah a bula lo awm mi pakhat chu a ATM Card in pawisa a lakchhuah tir a, amaherawh chu hemi hnu hian a Account-a pawisa chu lakchhuah a nih tak fo avangin chhui chian a ni a, ATM-a pawisa a lakchhuah tir khan ATM Card dang a lo pe tih hriatchhuah niin a Card hi Block mah se Rs. 65,000/- lai a lo lachhuak hman a, Police-ah FIR thehlutin SBI Lunglei Bazar Branch a thawktute nen hma la tlangin ATM atanga pawisa lo lachhuaktu hi man a ni ta a ni.