Mi 5 hming puangchhuak

Lalpa Chhiahhlawh Intelkhawm hmalakna in nizan hmasa khan kum 2023 Mizoram Inthlanpui a Pathian Lal Ram Sawrkar tana Thuthlung Bawm zawntu tur mi 5 te puanchhuah an ni.
Zoramthar tia hriat thin te hian kumin-a MLA inthlanpui neih tura an Candidate tur, Pathian Lal Ram Sawrkar tana Thuthlung Bawm zawntu turte hi nizan hmasa khan Aizawl-a Ignite Studio-ah puangin Serchhip District-a Hrangturzo Bial-ah Rev. Dr. Zaichhawna Hlawndo; Aizawl North-I ah Lalruatfeli Hlawndo; Thorang Bial-ah Upa K. Lalrimawia leh Lunglei South Bial-ah T. Upa ZD. Dengngura te bakah Upa H. Biaklawma te niin ani hi a Bial tur tihfel ala ni lo thung.

Pathian Lal Ram Sawrkar tana ding tur Lalpa Chhiahhlawh Intelkhawm te puanna leh hlanna hun hi April thla hun remchang hmasa berah neih leh tura ruahman a ni a. June thla ralhmain Lalpa Chhiahhlawh Intelkhawm mi 40 te hi puan fel hman an beisei tih thu sawiin, kan ram leh hnam tluchhe mek tungding a siam tha turin theihtawp an chhuah zel dawn tih Rev. Dr. Zaichhawna Hlawndo chuan a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man