Kolasib-a Court in thubuai chingfel tam

Kolasib-a Additional District & Sessions Judge-cum-Fast Track Court chuan kumin January leh Februry thla chhung khan Civil leh Criminal Case an ngaihtuah hrang hrang atangin thubuai 45 an chingfel. Judge Julie Lalrinzami sawi danin thla hnih liamta chhunga an thubuai chinfel zingah hian damchhung lungin tang tura hrem pakhat, Thomas Lalthlamuana, Lungdai Chhim Veng awmin ani hi tualthah thubuai avangin Kawnpui Police ten an man a ni. Criminal Case hnuaiah hian hremna na tak pek midang pathum an awm bawk a, heng mite hi naupang kumtling lo khuaikhemtute an ni a. POCSO Act hmanga hremna pek zingah Roneihsanga, Saron Veng Bilkhawthlir chu kum 7 lungin tang tur leh Rs. 20,000 chawi tura tih a ni a, RM. Lalnunhlima, Kolasib Vengthar leh Tom Lorraince Ngaihawma, Kawnpui Vengthar te chu kum 20 chhung lungin tang tur leh Rs. 20,000 ve ve chawi tura hrem an ni bawk.