Kawng siam mek enfiah

Champhai District chhunga National Highway 6 (NH 6) hnathawh kalpui mek chu District Bawrhsap hovin niminpiah khan Line Department hotute, NGO hruaitute leh Chanchinbu mi ten an enfiah.

Champhai DC hova kawng siam mek enfiahna ah hian Champhai DC chuan ram leilung neitu dik tak chu keimahni kan nih avangin an hmalakna te uluk taka vilpui reng a pawimawh thu sawiin, Leivung paihna, lei tawlh tur venna leh sawisel ngai laite thlithlai a, environment tihchhiat theihna awm angte pawh venpui reng a tul thu a sawi bawk.

He hunah hian Champhai District huam-chhunga NH. 6 siam hnathawk mektu NHIDCL hnuaia Contractor, Shri Balaji Construction Company-te hmalakna hrang hrangte endik niin, hmalakna ten leilung, thing leh mau bakah nungchate chenna ah nghawng tha lo a thlen thei em tihte enfiah a ni a. NH. 6 kawng laih mek, Khawzawl leh Champhai inkar Package -III Shri Balaji Construction Company-te thawh hi Kilometre 26.78 a thui a ni a. Shri Balaji Construction Company-te hian October 2021 atang khan an thawk tan a; June ni 25, 2023 a zo hman vek tura bituk niin hun bituk chhung ngeia zo hman turin hma an la mek a. Kum hnih chhunga zo hman tur leh a hnu kum 5 chhung enkawl chhunzawm tura tih an ni.

Comments

Popular News (Last 30 Days)

LPG man bithliah thar