AR chhuahsan mimal hnenah pek phal a ni dawn lo

Land Revenue & Settlement Department changtu Minister Lalruatkima chuan Sawrkar in Dan a siam angin Assam Rifles ten Sipai Lammual ram an luah chu mimal hnenah pek phal a nih loh tur thu a sawi.

Thuthar lakhawmtute zawhna chhangin Revenue Minister chuan Assam Rifle-te Sipai Lammual ram an luah mek an chhuahsan turah hian sawrkar in ngaihtuahna hmangin kum 2002 khan Assam Rifles-te'n an ram chhuahsante enkawl chhunzawmna tur atana Dan, 'The Mizoram (Restriction of Tranferred Land) Act, 2002' chu siam a ni a, chu dan chu helai ram hi an chhuahsan hunah mimal te'n ram an neih lohna tur dan a ni tih sawiin, dan a siam chu he sawrkar hian a bawhchhe dawn lo tih a sawi bawk.

Council of Ministers chuan March ni 8, 2019 khan Main Barrack Area-a mimal pass awm zawng zawngte chu sut (cancel) vek ni se tiin a rel tih sawi bawkin, sut tura hmalak a nih thu a sawi a. Sut a nih hmain Central YMA lamin Court-ah heng mimal/pawl te ram zawng zawng hi sut an dil tak avangin cancellation hi kalpui a ni chhunzawm lo a, Court thupek hi nghah a nih thu a sawi a. Court-in engmah thupek a la chhuah loh avangin leh sawrkar lam kut engmah phuar a nih chuan loh avangin tunah hian cancellation tur hian buaipui chhunzawm leh a ni tih a sawi bawk a. Sawrkarin thu a tihtluk tawh angin March ni 24,2023 khan sutna tura thupek chhuah a ni a, Show Cause notice ram neitute hnenah pek a ni ta tih a sawi bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar