Minister in Social Welfare & Tribal Affairs Office tlawh

Social Welfare & Tribal Affairs Minister Er. Lalrinawma chuan nimin khan Aizawl-a Social Welfare & Tribal Affairs Office tlawhin thawktute nen inkawmna a nei.

Minister Er. Lalrinawma chuan a Department enkawl mek a thawktute hnathawh dan chu fakawm a tih thu sawiin, “Eng hna pawh thawkin nihna sang tak chelh pawh ni ila, midang tan malsawmna nih hi a hlu a ni,” a ti a. Department lo dawr thintu te chu mahni mihring puite hlutna hre chunga lo dawngsawng thin tur leh thawhpuite tan malsawmna nih tum zel turin a chah a. Ram leh hnam tan mi tam takin nunna hlu tak an lo chan tawhna te chu hre reng chungin an hnathawhna ah thahnem ngai tur leh ram leh hnam hmangaihna rilru pu chunga theihtawp chhuah zel turin thawktute chu a sawm a ni.

Minister chuan Social Welfare Department chu mipui huapzo, naute pian hma atanga kum upa an nih thleng a enkawltu an nih avangin an pawimawhna hria a, theihthawp chhuah a ke pen zel turin thawktute chu a sawm bawk a ni.