Nikuala lungphun Deputy Chief Minister in a hawng

Nimin khan lal Nikuala Lungphun hawnna leh Chawngtlai Khawchhuak Hawrunpui chu bialtu MLA leh Deputy Chief Minister Tawnluia hovin Chawngtlai khua ah neih a ni.

Lal Nikuala Lungphun hawn puala inkhawm Lal Nikuala Hall, Chawngtlai-a neihah Deputy Chief Minister chuan Nikuala chu Mizo hnam thinlung pu mi leh hnam hmangaihtu dik tak a ni tih sawiin, Sapho awpbehna kara Mizo ram leh hnam humhalh tura a beihna leh hnathawh te chu Mizo hnam chanchinah hriatreng a ni dawn, a ti bawk.

Chawngtlai khua hi February ni 21,2014 khan ‘Mizo Historical Village’ ah puan a ni a. Khaw malkhaia Mizo pi leh pu te sulhnu awm tamna ber ni a ngaih niin nimin-a hawn tak Lal Nikuala Lungphun hi ft. 28 a sang, kil thum nei a siam a ni a. Heng kilthumah te hian Lal Nikuala chanchin thulakna rintlak tak tak atanga lakkhawm te tarlan a ni. Deputy Chief Minister hian ‘Lal ropui Nikuala leh Chawngtlai Khua’ tih lehkhabu chu he hunah hian aa tlangzarh nghal bawk.

Comments

Popular News (Last 30 Days)

Vawiin-ah HSSLC Exam result

LPG man bithliah thar