Mizoram Lokayukta Annual Report thehlut

Mizoram Lokayukta Chairperson C. Lalsawta chuan nimin khan Governor Hari Babu Kambhampati hnenah Third Annual Report of the Mizoram Lokayukta (2021-2022) a thehlut.

    Mizoram Lokayukta Act, 2014 Section 47 in a phut anga Third Annual Report of the Mizoram Lokayukta (2021-2022) thehluh hian April 1, 2021 atanga 31st March, 2022 a huam a, Report atanga a lan danin January 31, 2023 thleng khan Mizoram Lokayukta hnuaiah case 47 ziahluh a ni tawh a. Heng zinga case 16 chu chinfel ni tawhin Case kallai 31 a awm a, heng zinga case 11 chu Preliminary Enquiry (PE) nei turin a inchiah mek a. Case 16 chu chhuizui turin ACB kutah a awm mek a ni.

Mizoram Governor Hari Babu Kambhampati leh Mizoram Lokayukta Chairperson C. Lalsawta te hian inkawmna neiin Chairperson hian Mizoram Governor hnenah thil pawimawh chi hrang hrang, Mizoram Lokayukta dinhmun leh hmalakna tlangpui a tarlang a. Mizoram Lokayukta hian tun dinhmunah infrastructure tha tawk a la nei lo a, thawktu mamawh zat pawh la nei thei rih lo mah se hna erawh tha tak leh tluang takin hna an thawk zel tih a sawi. Governor zawhna chhangin C. Lalsawta chuan case kal mek thenkhat a sawifiah a, ACB chhui lai mek te leh chinfel tawh te, an dinhmun leh thlen chin te a hriattir a ni.