Inbuatsaihna thlirho

G20 Core Committee Chairman leh Home Commissioner H. Lalengmawia IAS hovin nimin khan March 2-a Aizawl-a G20 Business Meeting lo awm tur atana inpuahchahna leh inbuat-saihna hrang hrang te thlirhoin Secretariat Conference Hall-ah thutkhawm neih a ni a, he hunah hian January ni 27-a G20 Chief Coordinator Harsh Vardhan Shringla leh a hote lo kal tuma rawtna an siam leh duhdan an sawi te sawiho niin chumi dungzuia Sub-Committee hrang hrang ten hma an lak dan leh an inbuatsaih dan te te ngaihthlak a ni a. Lengpui Airport atanga mikhualte thlenna Hotel leh an Hotel atanga Meeting neihna hmun tur MZU kawng dung te tihfai leh tihhnum chungchang leh hmalak tum dante, MZU leh Lengpui Airport a thil tul la tih ngai te pawh sawilan a ni bawk.