ASUTP-a hmalakna tur sawiho

Aizawl Sustainable Urban Transport Project (ASUTP) hnuaia ruahmanna duan chhin te chu nimin khan Chief Minister Zoramthanga hovin SAD Conference Hall-ah sawiho a ni a, he hunah hian ADB Funding hmanga khawpui chhung cheibawl leh tihhmasawn hna thawka hmalak theihna hrang hrang tarlangin, chumi atanga Project siam theih te chhawpchhuah a ni a. Tam zawka Public Transport hman te, khawchhung fai zawk leh mihring kalna pavement zauh te, lirthei park-na leh Parking Fee khawn dan chang-kang zawk siam te, khawpui chhunga junction pawimawh tak takte tihhmasawn leh a dangte a tel a ni. He thutkhawm ah hian UD&PA changtu Deputy Chief Minister Tawnluia leh Revenue Minister Lalruatkima bakah sawrkar mi pawimawh dangte an tel a ni.