Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Mizoram-ah Vote nei thei 8,42,388 awm mek

Kumin January 1-a kum 18 tling chin te laa Electoral Roll ennawn hna thawh chu zawhfel niin Mizoram pumah vote nei thei 8,42,388 an awm.
Nimin khan Mizoram District hrang hrangah Electoral Roll thar tlangzarhna hun hi hman niin heta tanga a lan danin vote nei 8,42,388 an awm a, heng zinga 4,08,970 te hi mipa niin hmeichhia vote nei thei 4,33,418 an awm bawk a, mipa aia hmeichhe vote nei tamna chu 24,448 a ni. Tunah hian Mizoram pumah Service Voters mipa 4984 leh hmeichhia 87, a vaiin 5071 an awm mek a, Mizoram pumah Polling Station 1267 a awm mek bawk a ni.

India khua leh tui dik tak, ni 01.01.2023-a kum 18' tling tawh, rokhawlhna avanga Summary Revision lai a Electoral Roll-a inthun hman lo leh siamthat ngai siamtha duh te chuan mahni bialtu ERO/AERO/BLO hnenah dilna thehluh theih a ni a. Dilna hi https://nvsp.in, https://voterportal.eci.gov.in/ leh Voter Helpline App atangte thehluh theih a ni.

Comments

Popular News (Last 30 Days)