LR&S Minister in Depaetment-a thawktute a fuih

Land Revenue & Settlement Department changtu Minister Lalruatkima chuan he Department-a thawktute chu intuaihriam leh theuh a tan la zel turin a chah.

Land Revenue & Settlement Department hian nimin khan an Department General Conference Hall, Aizawl-ah Kumthar atana inhlantharna leh infuihtharna hun hmangin he hunah hian Revenue Minister Lalruatkima chuan ram leilung Pathian in min pe a, chu ram enkawl chu sawrkar mawhphurhna a ni, tiin Revenue Department chuan chhungtin mamawh leh a tel lova awm theih loh, chhungkaw tin file/document kawltu Department a nih avangin file vawn that leh document vawnhim chungchangah mawh nasa takin a phur tih a sawi a, hemi kawngah hian a chhunga thawkte chu neitu an ni tih hria a, an mawhphurhna theuha tan la thar leh turin a fuih a. LR&S Department hnuaiah dan leh hrai hriattur tam tak a awm thu pawh sawiin, intuaihriam leh theuh a tan la zel turin a chah a. Technology hmang tangkai thiam apiang an vannei tih hria a hmasawn tum zel turin a chah bakah Department rawn dawrtute chu naupang lam aiin upa lam, nu leh pa te a tam zawk an nih thin avangin dawhtheihna leh hawihhawmna nena lo dawr zel turin a ngen bawk.

He hun hi LR&S Department Director K.Laldingliana chuan kaihruaiin kumthar atana Department in hmachhawp hrang hrang a neihte a lem nen thlirho a ni a, LR&S Department hian Minister Lalruatkima chu Cabinet Minister a nih lawmpuina an hlan nghal a ni.