Central YMA in Memorandum an thehlut

Bangladesh atanga Mizo hnahthlak lo lut turte luhtir phal an nih loh chungchangah Central YMA chuan nimin khan Union Home Secretary hnenah Memorandum an thehlut.

    Mizoram Larsap kaltlanga an thu thehluhah hian Central YMA chuan nikum November thla a Bangladesh sipaite’n Mizo hnahthlak, Kuki-Chin te chenna khua an luhchilh avangin an khua a awm ngam lo tam tak chu Mizoram chhunga himna zawngin an rawn lut tih tarlangin, chutih laiin BSF-te’n tam tak chu luh phal lovin an nawr let a. An nawr kir zing ami Pastor pakhat chu riltam in ram palaileng-ah a thi ta nghe nghe a ni, an ti a. Sawrkar laipui chu hun reilote chhung atana an sahimna zawnga Mizorama lo lut duhte lo dang tawh lova luhtir phal turin an ngen a. Hei bakah hian hetianga Mizo lo lutte hi an mamawh ang chhawmdawlna lo pe turin sawrkar laipui chu an ngen bawk a ni.