India-a bomb thlak dem

Myanmar ram Thlawhtheihna ten India ramchhung a Bomb an thlak chu NGO Co-Ordination Committee chuan an dem thu sawiin, hma la turin India sawrkar an phut thu an sawi.

Mizoram-a tlawmngai pawl hrang hrang YMA, MUP, MHIP, MZP leh MSU awmna NGO Co-Ordination Committee chu  nimin khan Tuikhuahtlang-a Central YMA Office-ah thu-khawmin January ni 10 leh 11, 2023-a India ramchhung a Myanmar thlawhtheihna ten bomb an thlak chungchang hi an sawiho a. NGO Co-Ordination Committee chuan thuchhuah siamin, khawvel ram hrang hrangte’n mipui rorelna tundin leh duha Myanmar sawrkar an kawm serh mek lai a, an ramchhung helte bei tura Myanmar sipaite’n India boruak an rawn lut leh India ram chhung ngei a tum hnih Bomb an rawn thlak chu India ram himna ti derthawngtu niin an ngai a, pawi an tiin an dem takzet tih an tarlang a ni.

NGO Co-Ordination Committee chuan India ram himna leh zahawmna venhim a nih zel theih nana hma la turin India sawrkar an phut tlat thu sawiin, hemi thu bawhzui nan hian Union Home Minister hnenah lehkha an thehluh dawn thu an sawi bawk a ni.