Chief Minister in VC House leh Rohrenga Hall hawng

Zonuna Kawlni (LENKAWL) • January 13, 2023 • Comments • Mizoram

Chief Minister Zoramthanga chuan nimin khan Sihphir VC House leh Rohrenga Hall chu te chu khuallian niin a hawng.

Aizawl East-I bialtu MLA leh Chief Minister chuan khawtlang inrelbawlna atana tangkai tak tur VC House changtlung tak leh vantlang punkhawmna atana hmun remchang tha tak Hall tha tak Sihphir-ah hawn a ni thei chu lawmawm a tih thu sawiin, a hlawhtlinna tura khawtlang hruaitute hmalakna leh anmahni tawiawmtute chungah lawmthu a sawi a. Hall hming atana Sihphir lal hlui Rohrenga hming vuah a ni chuan mi hmasa, mi ropui te chawimawina rilru an pu tih a lantir in, a fakawm hle a ni, a ti bawk.

Sihphir VC House hawn tak hi LAD atanga sakna tur sum cheng nuai 10 hmuh hmanga bultan a ni a, Hall hi khawtlang Bazar hmun ding sa chunga sak ni thungin, Bank loan la a sak a ni a. Rohrenga Hall hi a dung ft. 54 leh a vang ft. 36-a zau a ni.