Veng thenkhat ah LPG Home Delivery kalpui leh dawn

/

Mizoram sawrkar in ruahmanna a lo siam tawh angin Vawiin atang hian Serchhip-a Veng thenkhat ah eirawngbawlna Gas Home Delivery chu kalpui tan leh a ni dawn.

Mizoram sawrkar-a FCS&CA Secretary-a chuan AMC huamchhung leh District khawpui zawng zawng ah eirawngbawlna Gas Home Delivery hi December 1, 2022 atanga kalpui turin a ti a, hemi chungchang ah hian District hrang hrangah te chak taka hmalak niin Serchhip-ah chuan a ruala Veng zawng zawngah kalpui nghal a harsat avangin Veng thenkhat chu hmalakna hmasa atan hian thlan niin a hmasa ber atan Serchhip Chanmari Veng-ah Vawiin atang hian kalpui a ni dawn a, hemi hnu hian Serchhip Vengchung leh Ser-chhip Hmar Veng Area-ah te kalpui leh tur a ni dawn a ni.

LPG Home Delivery kalpuina Veng ah te hian Point bik siama eirawngbawlna Gas sem thin chu tihtawp tur a ni a, ruahmanna thar kalpui tur hian MIZOFED leh Veng hrang hranga Branch YMA te chu an thawkho dawn a, LPG Home Delivery kalpui a nih avang hian a hmaa Gas man chawi thin pangngai bakah bur khat zelah Rs. 70/- chu chawi belh a ngai ve dawn thung a ni.

Tarlan tawh angin hemi hmalam hian Serchhip P&E Veng-ah LPG Home Delivery hi kalpui a lo ni tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »