Mizoram-a‘Business -20 Meeting’ neih tur thlir

Nakum March thlaa Mizoram in ‘Business -20 Meeting’ a thlen tur atana thil tul hrang hrangte sawihona chu nimin khan Chief Minister Zoramthanga hovin neih a ni.

Kumin December 1 atanga nakum November 30 thleng hian India ramin G-20 Presidency nihna a luah dawn a. Hemi hun chhung hian ramchhung hmun hrang hrangah inbuatsaihna Meeting 200 chuang nei tura beisei a ni a. Chung zinga mi ‘Business -20 Meeting’ chu nakum 2023 March thla hian Aizawl in a thleng dawn a. He Meeting atana inbuatsaihna tur hrang hrangte chu nimin-a Chief Minister Zoramthanga hova CM Office Conference Hall-a thutkhawm ah hian a kaihhnawih sawrkar Department hrang hrang hotute nen sawiho a ni.

He thutkhawm ah hian Mizoram in G-20 Meeting a thlen ve tur atana G-20 Secretariat leh Mizoram Home Department indawrna te, a thlengtu State atanga beisei an neih leh hma lo lak tawhna hrang hrangte ngaihthlak niin hmalak ngai engemaw zat te chhawpchhuakin, bawhzui dan tur te sawiho a ni a. Sub-Committee hrang hrang siam a ni bawk.

Mizoram-a Meeting neih tur hi Engagement Group Meeting niin, ‘Start Up 20’ hming vuah a ni a. Nodal Ministry chu Ministry of Commerce hnuaia Department for Promotion of Industry & Internal Trade (DPIIT) a ni a. He Meeting hian start-up te thlurbingin, Bamboo, Handloom leh Handicraft bakah Nursing leh Paramedics lam ngaihpawimawh zual bik a ni. Mizorama G-20 meeting atan hian Core Team siam niin, Home Department Commissioner chu Chairman a ni.

Comments

Popular posts from this blog