Damdawi lei leh ei thu-ah fimkhur turin mipuite chah

Mizoram Chemist & Druggists Association (MCDA) chuan damdawi quality tha leh rintlak kan lei theih nan a nazawnga fak mawi emaw, a man tlawm nazawng leh hriatchian loh bakah damdawi dawr pangngai a mi ni lo chu lei a him lo tih hriaa, damdawi lei leh ei kawnga fimkhur lehzual turin mipui an ngen.

Nimin-a Aizawl Press Club-a thuthar thehdarhtute an kawmnaah MCDA President R. Thanglura chuan, damdawi zuar thenkhat in an drug license neih te hmang sualin thil dik lo leh mihring tana hlauhawm leh nunna hial chan theihna tur a ni tih hre reng chunga sum leh pai hlawkna tura ruihhlo zawrh nana lo hmang thin an awm chu pawi an tih thu leh an dem takzet thu a sawi a ni.

MCDA President chuan Damdawi chu a zawrh phalna (license) neilo in an duh duha an lo zawrh ve theih a nih loh thu te, hmun thenkhatah leh Office vel ah te mi thenkhat in bag leh polythene a khaikhualin damdawi an zuar fo thin tih hriat a nih thu te sawi bawkin, “MRP aia tlawm daih a an hralh theih thin avangin mi tam tak chuan an lei nasat phah a, heng ang kan lo lei hian thil pawi pawh thleng mahse chhuichhuah a harsa thin a, sawrkar tan pawh hmalak dawn in hriatchhuah a harsa thin,” tiin, damdawi reng reng damdawi zuar te dawr atanga lei ngei a him ber thu leh mahni Drug License hawh tir an awm thin chu sawrkar in chhuichhuakin a tul anga action lak an duh thu te a sawi bawk.

Comments

Popular posts from this blog