Kawng chhawng siam hun tur hriat a la ni lo - ZPM

ZPM Thalaite chuan Vawiin thlenga sawrkâr berin kawng chhawng siam hun tur pawh a la hre lo chu a beidawnthlak hlea an hriat thu an sawi.

Nimin-a thuchhuah an siamah ZPM Thalaite hian RTI hmanga an chhuina atangin Bawng-kawn leh Vaivakawn inkâr kawng chhawng siamna atân DPR siam a la ni lo tih hailan a ni tih tarlangin, Feasibility Report siamna atân erawh cheng nuai 82 sen a ni tawh tih hriat chhuah a ni bawk tih an tarlang a. “Feasibility Report siam tur hian Telecommunication Consultant India Ltd. rawih an ni. Sawrkarin RTI chhanna a tihchhuahah hian kawng chhawng siam hi thawh tan hun tur hriat a la ni lo ti-a tarlan niin, a thawh ?an hun tur report pawh sawrkâr in a la pêk theih loh thu târlan a ni,” an ti.

ZPM Thalaite chuan 2018 inthlanpui dawna MNF in an au hla, Traffic jam awm lohna khawpui leh kawng chhawng hmelhmang Vawiin thlenga Aizawl khawpuia hmuh tur a la awm lo chu mipuite bumna lian takah an ngai tih sawiin, Vawiin thlenga a sawrkâr berin kawng chhawng siam hun tur pawh a la hre lo chu a beidawnthlak hle a an hriat thu an sawi bawk a ni.

Comments

Popular posts from this blog