Cricket Tournament khelh leh a ni

Serchhip District Cricket Association buatsaih Season Opening Tournament khelh mekah Tuikhuah Veng CC chuan Final an lut ta.
Inrinni khan DC Playground, Khawtetlang-ah Serchhip District Cricket Association Season Opening Tournament hi khelh chhunzawm leh niin Tuikhuah Veng CC leh Hmar Veng CC te hian Semi Final hmasa zawk an khel a, Toss-a chak TKCC hian vuak hmasak thlangin Over 20 chhungin run 136 siamin Wicket 7 an hloh a, TKCC tan Lalramthianga chuan ball 62 a hmachhawn ah run 66 a siam a ni. Hmar Veng CC hian vaw ve lehin Over 20-ah Wicket 8 hlohin run 135 an siam a, TKCC hi Run khat in an chak ta a ni.

Inkhel dangah Serchhip Cricket Club chuan Chanmari Cricket Club chu Wicket 8 in an hneh a, Chanmari CC hian vaw hmasa in Over 16.4-ah run 86 an siam a, hei hi SCC hian Over 11.3-ah Wicket 2 chiah hlohin an umphak a, Thenzawl CC nen Semi Final an khel leh ang.

Comments

Popular posts from this blog