Tuisen Zau kawng thawmtha

Serchhip Mat Phai Tuisen Zau-a Leilet panna kawng chu a chhiat deuh tawh avangin nimin khan MNF General Hqrs. Adviser J. Malsawmzuala Vanchhawng chuan tlawhin helai kawng hi siamthat hna thawh nghal a ni.
Mat Phai Tuisen Zau panna kawng hi Zote South khaw panna kawng ni bawkin kumin kumtir lam khan MLA Fund hmangin laih that a lo ni tawh a, amaherawh chu tunhnaiah a chhiat leh tak deuh avangin nimin khan J. Malsawmzuala hian tlawhin kut hnathawktuten harsatna awm lova an buh leh thlai thar te awlsam zawka an phurchhuah theihna turin JCB hmangin a thawm that hna hi thawh nghal a ni a, kuthnathawktute nen inkawmna an nei nghal bawk. Tuisen Zau-ah hian chhungkaw 40 velin Leilet an nei a ni.