Thamna lak thubuai ah tang turin rel sak a ni

MAMCO Managing Director nihna hmanga Contract leh Supply pek tiam a thamna cheng nuai 268 latu Lalremthanga, Lunglei Chanmari chu kum nga (5) chhung Jail-a táng tur leh cheng nuai 15 chawi turin Court-in a hrem.

Mizoram Agriculture Marketing Corporation Ltd. (MAMCO) Managing Director thin Lalremthanga, Lunglei Chanmari hi Dr. HTC. Lalrinchhana thutna Special Court (Prevention of Corruption Act) chuan IPC Section 120B/420/468/471 leh PC Act Section 13(2) leh Section 13(1)(d) tlawhchhanin nimin khan thiam loh a chantir a, hremna tur tihchhuah nghal niin IPC 420 (r/w 120B/471) hnuaiah kum nga chhung táng tur leh Rs. 5,00,000 cháwi turin a ti a, pawisa a chàwi loh chuan kum nga dang tàn belh turin a ti a ni.

Lalremthanga hi thiamloh chantirna thubuai pathum-ah hian kum 5 tang tur leh pawisa Rs. 50,000/- theuh chawi tura tih a ni a, Criminal Case a neih vawi khatna a nih avangin a tàn hun chhung tur bik chu a hranpa theuha kal loin, tum khata tlâk tura tih a ni a, pawisa chawi tur erawh belhkhawm niin thubuai ngaihtuah a nih chhunga a tan tawhna chu chhiar tel a ni ang.